कार्मेल महाविद्यालयाच्या कोंकणी विभागान 10 ऑगस्ट 2016 ह्या दिसा अखिल गोंय कोंकणी कविता सर्त आयोजीत केल्ली. ही सर्त महाविद्यालयाच्या सभाघरांत सकाळच्या 10 वरांचेर जाली. ह्या सर्तींत वट्ट सात महाविद्याल्याच्या विंगड विंगड सर्तकांनी वांटो घेतिल्लो. ही सर्त पावस, पावसाचे विंगड विंगड विशय तशेंच पावसातलें सौंदर्य आनी सुंदरतायेचेर आदारीत आसली. हे सर्तेचे सूत्रसंचालन बाय एबीगेयल बरेटो आनी वियेना ब्रागांझा हांच्यानी केले. हे सर्तेंत तिसरो इनाम  बाब पलाश अग्नी(पर्वतीबाई चौगुल्ले महाविद्यालय), दुसरो इनाम बाय समिक्षा पै धुंगट (रोजरी महाविद्यालय) आनी पयलो इनाम बाब दत्तराज नायक (सरकारी महाविद्यालय केपें) हांकां मेळ्ळे. हे सर्तेक परिक्षक म्हूण प्रा. अकल्पीता राऊत देसाय आनी डॉ. लता शिरोडकार ह्यो लाबिल्ल्यो. ह्या सर्तेचे उपकाराचे उलोवप बाय अल्का गांवस हाणे केले.